Што е ОК кога станува збор за меснтуралниот циклус и менструацијата?
- Просечната возраст при менархата (првото менструално крвавење) е 12,5 години
- Менструалниот циклус варира помеѓу 23-36 дена, обично од 26-30 дена.
- Крвавењето од матката обично трае 2-7 дена, а нормалниот губиток на крв за време на еден циклус е 25-40 мл, со горна граница од 80 мл.
Што доколку вашиот гинеколог додека ви објаснува, употреби некој стручен термин кој вие немате појма што значи? Па после се нервирате дека не сте запамтиле и ви е криво што не сте прашале благовремено. Ќе прашате да ви го објасни! Одењето на гинеколог не секогаш значи преглед, туку и советување.
Ова се пар термини кои можеби е добро да ги знаете во случај да ги прочитате некаде или пак ги дознете уз разговор со гиенкологот:
Аменореa- Тоа е отсуство на менструално крвавење. Може да биде примарна (девојката никогаш немала менструално крвавење) или пак секундарна (девојката/ жената имала менструално крвавење, но сега истото отсуствува во период од најмалку 6 месеци)
- Олигоменореа- менструален циклус на повеќе од 36 дена.
- Полименореа- Менструален циклус на помалку од 23 дена. Поли означува многу, во овој случај, ако циклусот се јавува на 20 дена значи дека има многу циклуси во една година.
- Менорагија- станува збор за регуларно крвавење, но пообилно.
- Метрорагија- ирегуларно крвавење, (не е регуларно, се јавува крвавење меѓу менструациите)
- Овулаторно крвавење- Крвавење во средина на циклусот, во време на овулацијата (кога јајце клетката излегува од фоликулот во јајникот)
- Пробојно крвавење-Крвавење во невообичаено време асоцирано со хормонска терапија или со хормонска контрацепција.